30/07/2014 15:37:25

Kreu i LSI Ilir Meta mbron Fullanin. Dënim autorët

''Nuk duhet të harrojmë që kjo ngjarje është identifikuar dhe është denoncuar në Prokurori nga vetë strukturat e Bankës''

TIRANE - Kryetari i Kuvendit, Ilir Meta mori pjesë në prezantimin e Komisionerit të ri për Mbrojtjen e të Dhënave Personale, Besnik Dervishi, i cili zëvendëson në këtë detyrë znj. Flora Çabej-Pogaçe. Në lidhje me skandalin e Bankës së shqipërisë, Meta tha se: "Nuk duhet të harrojmë që kjo ngjarje është identifikuar dhe është denoncuar në Prokurori nga vetë strukturat e Bankës, pra nga drejtuesit e saj. Dhe unë jam i bindur që Prokuroria, e cila po heton tashmë për këtë çështje dhe gjyqësori, do të realizojnë një hetim të plotë për të vënë para përgjegjësisë maksimale të gjithë personat e implikuar dhe do të ketë mbështetjen tonë të plotë për të zbardhur këtë akt kriminal". "Është një ngjarje që nuk duhet të përdoret për të dëmtuar reputacionin e Bankës së Shqipërisë, sepse e theksoj është një vjedhje e cila është identifikuar dhe është denoncuar nga vetë strukturat e Bankës dhe drejtuesit e saj në Prokurorinë e Përgjithshme", tha Meta.

HermesNews - ©2014

Dërgo me email | Stampo artikullin